ပရီးမီးယားလိဂ် သမိုင်းတစ်လျှောက် ဒီဆုကို များသောအားဖြင့် ချန်ပီယံ ဖြစ်တဲ့ အသင်းက ကစားသမားတွေပဲ ရရှိလေ့ရှိပါတယ်။ ဒါပေမယ့် ဒီနှစ်မှာတော့ အပြောင်းအလဲတွေ ရှိလာနိုင်ပြီး အခြေအနေတွေက ပိုပြီး စိတ်လှုပ်ရှားဖို့ ကောင်းနေပါတယ်။
၅။ ဂါဘရီရယ် (အာဆင်နယ်)
အကယ်၍ အာဆင်နယ်သာ ချန်ပီယံ ဖြစ်ခဲ့ရင် သူတို့ရဲ့ မာကျောတဲ့ ခံစစ်ကြောင့်ပဲ ဖြစ်ပါလိမ့်မယ်။ အဲဒီ ခံစစ်တန်းမှာ ဘရာဇီးလ် နောက်ခံလူ ဂါဘရီရယ် မက်ဂါဟေးစ်က အထူးခြားဆုံးပါ။ သူဟာ အသင်းကို ပေးဂိုး အနည်းဆုံးနဲ့ Clean Sheet အများဆုံး ရအောင် ကူညီပေးထားသလို၊ တိုက်စစ်ဆင်တဲ့ နေရာ မှာလည်း ၃ ဂိုးသွင်း၊ ၄ ဂိုး ဖန်တီးထားနိုင်ပါတယ်။ နောက်ခံလူတွေ ဒီဆု ရဖို့ ခဲယဉ်းလေ့ ရှိပေမဲ့ အာဆင်နယ် ချန်ပီယံ ဖြစ်ခဲ့ရင်တော့ ဂါဘရီရယ်က ထိုက်တန်တဲ့သူ ဖြစ်လာပါလိမ့်မယ်။
၄။ အန်တွန် ဆီမီညို (မန်စီးတီး)
ဂါနာ တိုက်စစ်မှူး ဆီမီညို ကတော့ ဒီရာသီမှာ အသင်း နှစ်သင်း အတွက် ထူးထူးခြားခြား ခြေစွမ်းပြနေတာပါ။ ရာသီဝက် အထိ ဘုန်းမောက်မှာ ၁၀ ဂိုး သွင်းပေးခဲ့ပြီး ဇန်နဝါရီမှာ မန်စီးတီးကို ပြောင်းရွှေ့လာခဲ့ပါတယ်။ မန်စီးတီးကို ရောက်ကတည်းက ပပ် ဂွါဒီယိုလာရဲ့ အားကိုးရတဲ့ ကစားသမား ဖြစ်လာပြီး အသင်းကို ချန်ပီယံ လမ်းကြောင်းပေါ် ပြန်ရောက်အောင် ပံ့ပိုးပေးခဲ့ပါတယ်။ သူ့ရဲ့ တစ်ဦးချင်း စွမ်းဆောင်ရည်က တော်တော်လေး ကောင်းမွန်ပေမဲ့ မန်စီးတီး ချန်ပီယံ ဖြစ်မှပဲ ဒီဆုကို ရဖို့ အလားအလာ ရှိနေပါတယ်။
၃။ အာလင်း ဟာလန်း (မန်စီးတီး)
နော်ဝေ ဂိုးသွင်းစက် ကတော့ ထုံးစံအတိုင်း ဂိုးတွေ တရစပ် သွင်းနေဆဲပါ။ လက်ရှိမှာလည်း လိဂ်ရဲ့ ဂိုးသွင်း အများဆုံး စာရင်းကို ဦးဆောင်နေပါတယ်။ ဟာလန်းဟာ ၂၀၂၂-၂၃ ရာသီမှာ ဒီဆုကို ရရှိခဲ့ဖူးပါတယ်။ အခုရာသီမှာ သွင်းဂိုး အရေအတွက်က အရင်လောက် မကြောက်စရာ မကောင်းပေမယ့် မန်စီးတီး အတွက်တော့ မရှိမဖြစ် ဂိုးတွေ သွင်းပေးနေတုန်းပါ။ မန်စီးတီးသာ ချန်ပီယံ ဖြစ်ခဲ့ရင် ဟာလန်းက ဒီဆုကို ဒုတိယအကြိမ် ရရှိဖို့ အနီးစပ်ဆုံး ကစားသမား ဖြစ်နေပါတယ်။
၂။ ဒီကလန် ရိုက်စ် (အာဆင်နယ်)
အာဆင်နယ်ရဲ့ အဓိက အင်ဂျင်လို့ တင်စားရမယ့် ဒီကလန် ရိုက်စ်ဟာ အသင်းရဲ့ ခြေစွမ်း အမှန်ဆုံး ကစားသမားပါ။ ကွင်းလယ်မှာ အဖျက်ရော၊ အပေးအယူပါ အားကောင်းသလို အသင်း အတွက် အရေးပါတဲ့ ဂိုးဖန်တီးမှုတွေလည်း လုပ်ပေးထားပါတယ်။ ဆာလာလို တိုက်စစ်သမားတွေနဲ့ ယှဉ်ရင်တောင် ရိုက်စ်ရဲ့ လွှမ်းမိုးမှုက ပိုသိသာပါတယ်။ အာဆင်နယ် အနေနဲ့ နှစ် ၂၀ ကျော်ကြာ ဝေးကွာနေတဲ့ ပရီးမီးယားလိဂ် ချန်ပီယံဆုကို သိမ်းပိုက်နိုင်ခဲ့မယ် ဆိုရင်တော့ ရိုက်စ် အနေနဲ့ သီဟာရီ အွန်နီ နောက်ပိုင်း ဒီဆုကို ပြန်လည် ရယူနိုင်ဖို့ များနေပါတယ်။
၁။ ဘရူနို ဖာနန်ဒက်စ် (မန်ချက်စတာယူနိုက်တက်)
ပရီးမီးယားလိဂ် သမိုင်းမှာ ချန်ပီယံ မဖြစ်တဲ့ အသင်း ကနေ ဒီဆုရဖူးသူ ၁၁ ဦးပဲ ရှိပါတယ်။ လက်ရှိ အခြေအနေ အရ ဘရူနို ဖာနန်ဒက်စ် ကတော့ ၁၂ ဦးမြောက် ဖြစ်လာနိုင်ပါတယ်။ မိုက်ကယ် ကာရစ်ခ် ရောက်ရှိလာပြီးနောက် ဘရူနိုဟာ နံပါတ် ၁၀ နေရာမှာ အကောင်းဆုံး ခြေစွမ်းပြနေပါတယ်။ လက်ရှိမှာ ဂိုးဖန်တီးမှု ၁၈ ကြိမ် ပြုလုပ်ထားပြီး အွန်နရီနဲ့ ဒီဘရွန်းနားတို့ တင်ထားတဲ့ အကြိမ် ၂၀ စံချိန်ကို မှီဖို့ ၂ ကြိမ်ပဲ လိုပါတော့တယ်။ ဒါ့အပြင် ၈ ဂိုး သွင်းထားပြီး ဂိုးသွင်းခွင့် ဖန်တီးမှု ကလည်း ထိပ်ဆုံးမှာ ရှိနေပါတယ်။
ယူနိုက်တက်ဟာ ချန်ပီယံ မဖြစ်နိုင်တော့ပေမယ့် ဘရူနို ဖာနန်ဒက်စ်ရဲ့ တစ်ဦးချင်း ကိန်းဂဏန်းအချက်အလက်တွေက အံ့မခန်း ကောင်းမွန်နေတာကြောင့် ဒီနှစ်ရဲ့ အကောင်းဆုံး ကစားသမားဆုရှင် ဖြစ်လာဖို့ အလားအလာ အရှိဆုံး ဖြစ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
