ပရီးမီးယားလိဂ် သမိုင်းတစ်လျှောက် အချိန်အနှောင်းဆုံး သွင်းဂိုးများ

၂၀၂၃-၂၄ ရာသီက ပရီးမီးယားလိဂ်မှာ စပြီး ဒဏ်ရာရရှိချိန်နဲ့ ပွဲရပ်နားမှုတွေ အတွက် နာကျင် အချိန်ပိုတွေကို တိုးမြှင့် သတ်မှတ်လာတာကြောင့် ပွဲပြီးခါနီး နောက်ကျဂိုးတွေကို ပိုမိုမြင်တွေ့လာရပါတယ်။ ဒါကြောင့် အခု တစ်ခါမှာတော့ ၂၀၀၆-၂၀၀၇ ဘောလုံးရာသီ နောက်ပိုင်း ပရီးမီးယားလိဂ်ရဲ့ အချိန်အနှောင်းဆုံး သွင်းဂိုးတွေကို ဖော်ပြပေးသွားမှာ ဖြစ်ပါတယ်။

ပရီးမီးယားလိဂ်ရဲ့ အချိန်အနှောင်းဆုံး သွင်းဂိုး (၁၀) ဂိုး

၁၀၂:၀၇ မိနစ် – အိုလီ မက်ဘားနီး (ရှက်ဖီးလ်ယူနိုက်တက် – ဝက်စ်ဟမ်း၊ ၂၀၂၄)
၁၀၁:၄၈ မိနစ် – ဒက်ခ် ကော့တ် (လစ်ဗာပူးလ် – အာဆင်နယ်၊ ၂၀၁၁)
၁၀၁:၄၈ မိနစ် – ဟာဗေး ဘန်းစ် (နယူးကာဆယ် – လိဒ်စ်ယူနိုက်တက်၊ ၂၀၂၆)
၁၀၀:၃၉ မိနစ် – ကိုးလ် ပါးလ်မား (ချဲလ်ဆီး – မန်ချက်စတာယူနိုက်တက်၊ ၂၀၂၄)
၁၀၀:၁၅ မိနစ် – ဂါဘရီယယ် ဂျေဇုစ် (အာဆင်နယ် – မန်ချက်စတာယူနိုက်တက်၊ ၂၀၂၃)
၁၀၀:၀၉ မိနစ် – လီယွန် ဘိုင်လီ (အက်စတွန်ဗီလာ – ပဲလေ့စ်၊ ၂၀၂၃)
၁၀၀:၀၃ မိနစ် – ဝှမ် မာတာ (ချဲလ်ဆီး – နော့ဝှစ်ချ်၊ ၂၀၁၁)
၉၉:၅၃ မိနစ် – ဒီဂျန် ကူလူဆက်ဗ်စကီး (တော့တင်ဟမ်ဟော့စပါး – ရှက်ဖီးလ်ယူနိုက်တက်၊ ၂၀၂၃)
၉၉:၅၃ မိနစ် – ဗာဂျယ် ဗန်ဒိုက်ခ် (လစ်ဗာပူးလ် – အဲဗာတန်၊ ၂၀၂၆)
၉၉:၄၅ မိနစ် – ဘရူနို ဖာနန်ဒက်စ် (မန်ချက်စတာယူနိုက်တက် – ဘရိုက်တန်၊ ၂၀၂၀)

အထူးခြားဆုံး သွင်းဂိုးများအကြောင်း

၁။ အိုလီ မက်ဘားနီး (၁၀၂:၀၇) – သမိုင်းတစ်လျှောက် အနှောင်းဆုံးဂိုး

၂၀၂၄ ခုနှစ်၊ ဇန်နဝါရီလက ဝက်စ်ဟမ်းနဲ့ ပွဲမှာ ရှက်ဖီးလ်ယူနိုက်တက် အတွက် မက်ဘားနီး သွင်းယူခဲ့တဲ့ ပင်နယ်တီဂိုးဟာ ပရီးမီးယားလိဂ် သမိုင်းမှာ အချိန်အနှောင်းဆုံးဂိုး အဖြစ် စံချိန်တင်ထားပါတယ်။ ဝက်စ်ဟမ်း ဂိုးသမား အာရီယိုလာ ဒဏ်ရာရရှိခဲ့တာကြောင့် ပွဲရပ်နားချိန် ကြာမြင့်ခဲ့ရာ ကနေ ပွဲချိန် ၁၀၂ မိနစ်ကျော်မှ ဒီဂိုး ပေါ်ထွက်လာခဲ့တာ ဖြစ်ပါတယ်။

၂။ ဟာဗေး ဘန်းစ် (၁၀၁:၄၈) – သမိုင်းတစ်လျှောက် အချိန်အနှောင်းဆုံး ‘အနိုင်ဂိုး’

၂၀၂၆ ခုနှစ်၊ ဇန်နဝါရီလက လိဒ်စ်ယူနိုက်တက်ကို ၄-၃ နဲ့ အနိုင်ရတဲ့ ပွဲမှာ ဟာဗေး ဘန်းစ် သွင်းယူခဲ့တဲ့ ဂိုးဟာ သမိုင်းတစ်လျှောက် ဒုတိယမြောက် အချိန်အနှောင်းဆုံးဂိုး ဖြစ်သလို၊ အသင်းကို အနိုင်ရရှိစေခဲ့တဲ့ ‘အနိုင်ဂိုး’ အနေနဲ့ ဆိုရင်တော့ အနှောင်းဆုံးဂိုး ဖြစ်ပါတယ်။

၃။ ကိုးလ် ပါးလ်မား (၁၀၀:၃၉) – အံ့အားသင့်ဖွယ် ပြန်လာနိုင်မှု