ရက်စ်ဟမ်း ကတော့ အနေနဲ့ ၄၃ နှစ်အတွင်း ပထမဆုံးအကြိမ် အဖြစ် ချန်ပီယံရှစ် ပြိုင်ပွဲမှာ ယှဉ်ပြိုင်နေရပြီး အခုဆိုရင် ပရီးမီးယားလိဂ်ဆီ တက်လှမ်းနိုင်ဖို့ မျှော်လင့်ချက်တွေ နီးစပ်လာနေပါတယ်။ ဒီဝေလ ကလပ်ဟာဟောလိဝုဒ် မင်းသားတွေ ဖြစ်တဲ့ ရိုင်ယန် ရေးနိုးစ်နဲ့ ရော့ဘ် မက်အယ်ဟန်နီ တို့ရဲ့ ရင်းနှီးမြှုပ်နှံမှုတွေနဲ့ အတူ တထစ်ချင်း အရှိန်အဟုန်နဲ့ တက်လှမ်းနေပြီး သူတို့ရဲ့ အမြင့်ဆုံး မျှော်လင့်ချက်တွေကို အကောင်အထည်ဖော်နိုင်မလား ဆိုတာ စိတ်ဝင်စားစရာ ကောင်းနေပါတယ်။
၂၀၂၅-၂၆ ဘောလုံး ရာသီ ပိတ်သိမ်းခါနီး အချိန်မှာ ရက်စ်ဟမ်းဟာ ရမှတ် ၇၀ နဲ့ အမှတ်ပေးဇယားရဲ့ အဆင့် (၆) နေရာမှာ ရပ်တည်နေပြီး ပလေးအော့ဖ် (Playoffs) ဝင်ခွင့် ရဖို့ ခြေ တစ်လှမ်းသာ လိုပါတော့တယ်။
၁။ အဆင့် (၆) နေရာကို ထိန်းသိမ်းခြင်း
ချန်ပီယံရှစ် ပြိုင်ပွဲမှာ အဆင့် (၁) နဲ့ (၂) ရတဲ့အသင်းတွေက ပရီးမီးယားလိဂ်ကို တိုက်ရိုက် တန်းတက်ခွင့်ရကြပါတယ်။ လက်ရှိမှာ ကိုဗင်ထရီက တန်းတက်သွားပြီ ဖြစ်ပြီး အစ်ပ်ဆွစ်ချ်နဲ့ မီဝေါလ် တို့ကတော့ ဒုတိယနေရာ အတွက် အပြိုင် ဖြစ်နေကြပါတယ်။ ရက်စ်ဟမ်း အတွက် ကတော့ အဆင့် (၃) ကနေ (၆) အတွင်း ရရှိသူတွေ ယှဉ်ပြိုင်ရမယ့် ပလေးအော့ဖ် ကနေ တစ်ဆင့် တက်လှမ်းဖို့ အခွင့်အရေးရှိနေတာပါ။
နောက်ဆုံး ပွဲစဉ် အဖြစ် ရက်စ်ဟမ်းဟာ သူတို့ရဲ့ အိမ်ကွင်းမှာ မစ်ဒယ်ဘရော့နဲ့ ကစားရမှာ ဖြစ်ပါတယ်။ အဆင့် ၇ နေရာက ဟားလ်စီးတီး ကလည်း ရက်စ်ဟမ်းနဲ့ ရမှတ်တူ (၇၀ မှတ်) အခြေအနေမှာ ရှိနေပါတယ်။ အကယ်၍ ရက်စ်ဟမ်းသာ မစ်ဒယ်ဘရော့ကို အနိုင်ရခဲ့ရင်တော့ အဆင့် (၆) နေရာကို သေချာပေါက် ရရှိဖို့ အခွင့်အရေး အလွန်များသွားမှာ ဖြစ်ပါတယ်။ အကယ်၍ ရက်စ်ဟမ်းက သရေ သို့မဟုတ် ရှုံးခဲ့ပြီး ဟားလ်စီးတီးက နော့ဝှစ်ချ်စီးတီးကို အနိုင်ရသွားရင်တော့ ရက်စ်ဟမ်းတို့ ပလေးအော့ဖ်နဲ့ လွဲချော်မှာ ဖြစ်ပါတယ်။ အကယ်၍ နှစ်သင်းစလုံး ရလဒ်တူနေရင် ဂိုးကွာခြားချက်နဲ့ ဆုံးဖြတ်မှာဖြစ်ပြီး လက်ရှိမှာ ရက်စ်ဟမ်းက (+၄) ၊ ဟားလ်စီးတီးက (+၃) ရှိနေတာကြောင့် ရက်စ်ဟမ်းက အသာရနေပါတယ်။
၂။ ချန်ပီယံရှစ် ပလေးအော့ဖ် ပုံစံ
အကယ်၍ ရက်စ်ဟမ်းသာ အဆင့် (၆) အတွင်း ဝင်ခဲ့ရင်တော့ အောက်ပါ အဆင့်တွေကို ဆက်လက် ယှဉ်ပြိုင်ရမှာ ဖြစ်ပါတယ်။ ပလေးအော့ဖ် ဆီမီးဖိုင်နယ်မှာ အဆင့် (၃) နဲ့ အဆင့် (၆)၊ အဆင့် (၄) နဲ့ အဆင့် (၅) တို့ဟာ အိမ်ကွင်း၊ အဝေးကွင်း နှစ်ကျော့စလုံး ယှဉ်ပြိုင်ရမှာ ဖြစ်ပါတယ်။ ဗိုလ်လုပွဲ မှာတော့ ဆီမီးဖိုင်နယ်က အနိုင်ရတဲ့ နှစ်သင်းဟာ ဝမ်ဘလေကွင်းကြီးမှာ ဗိုလ်လုပွဲ ကစားရမှာ ဖြစ်ပြီး အဲဒီပွဲကို ဘောလုံး လောကရဲ့ တန်ဖိုးအရှိဆုံး ပွဲစဉ်လို့ ခေါ်ကြပါတယ်။ အဲဒီ ဗိုလ်လုပွဲမှာ အနိုင်ရတဲ့ အသင်းဟာ ၂၀၂၆-၂၇ ရာသီ ပရီးမီးယားလိဂ်ဆီ တက်လှမ်းခွင့် ရရှိမှာ ဖြစ်ပါတယ်။
ရက်စ်ဟမ်းဟာ နေရှင်နယ်လိဂ် ကနေ လိဂ်တူး၊ လိဂ်ဝမ်း အဆင့်ဆင့်ကို တိုက်ရိုက် တက်လှမ်းလာခဲ့တာ ဖြစ်ပါတယ်။ အခု ချန်ပီယံရှစ် မှာတော့ ပလေးအော့ဖ် ဆိုတဲ့ စိန်ခေါ်မှု အသစ်နဲ့ ရင်ဆိုင်နေရပါပြီ။ ငွေကြေးအင်အား ရှိရုံတင်မကဘဲ နည်းပြ ဖီးလ် ပါကင်ဆန်ရဲ့ ဦးဆောင်မှု အောက်မှာ အသင်းဟာ စနစ်တကျနဲ့ အောင်မြင်မှုတွေ ရယူနေတာ ဖြစ်ပါတယ်။
ဒီတော့ ရက်စ်ဟမ်း အနေနဲ့ သူတို့ရဲ့ ဟောလိဝုဒ် ဇာတ်လမ်းဆန်ဆန် အောင်မြင်မှု ခရီးစဉ်ကို ပရီးမီးယားလိဂ် အထိ အရောက် လှမ်းနိုင်မလား ဆိုတာ နောက်ဆုံး ပွဲစဉ်မှာ အဖြေပေါ်တော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
