ပရီးမီးယားလိဂ် ကလပ် မန်ချက်စတာယူနိုက်တက် ကတော့ လာမယ့် ရာသီမှာ အသင်းကို ဘယ်သူ့ကို ဦးဆောင်စေမလဲ ဆိုတာ ဆုံးဖြတ်ချက် မချရသေးပါဘူး။ ဒါပေမယ့်လည်း ယာယီ နည်းပြ မိုက်ကယ် ကာရစ်ခ် ကတော့ လက်ရှိ ရာသီ ကိုသာ အာရုံစိုက်ထားပြီး အနာဂတ် အတွက် ကြိုတင် တွေးပူခြင်း မရှိကြောင်း ပြောကြားခဲ့ပါတယ်။
လာမယ့် တနင်္လာနေ့ ဘရန်ဖို့ဒ်နဲ့ ကစားရမယ့် ပရီးမီးယားလိဂ် ပွဲစဉ် မတိုင်ခင် ပြုလုပ်တဲ့ အင်တာဗျူးမှာ ကာရစ်ခ်က သူ့ရဲ့ အနာဂတ်နဲ့ ပတ်သက်ပြီး အဖြေ တစ်ခု ရဖို့ “ဇွတ်အတင်း လိုက်လံ မေးမြန်းနေခြင်း” မရှိကြောင်း အခိုင်အမာ ပြောဆိုခဲ့ပါတယ်။
ပြီးခဲ့တဲ့ ဇန်နဝါရီလက ရူဘင် အမော်ရင်ရဲ့ နေရာမှာ ရာသီကုန် အထိ ယာယီ နည်းပြ အဖြစ် တာဝန်ယူခဲ့တဲ့ ကာရစ်ခ်ဟာ ယူနိုက်တက်ကို ချန်ပီယံလိဂ် ဝင်ခွင့် ရရှိဖို့ အကောင်းဆုံး အနေအထားကို ပို့ဆောင်ပေးထားနိုင်သူ ဖြစ်ပါတယ်။ ကာရစ်ခ် တာဝန်ယူပြီး နောက်ပိုင်း ကစားခဲ့တဲ့ ပွဲစဉ်တွေမှာ ယူနိုက်တက် ၂ ပွဲသာ ရှုံးနိမ့်ထားခဲ့ပြီး (၈ ပွဲ နိုင်၊ ၂ ပွဲ သရေ) ရလဒ် ထွက်ပေါ်ခဲ့ပါတယ်။ အဲဒီကာလ အတွင်း မန်စီးတီး၊ အာဆင်နယ်နဲ့ ချဲလ်ဆီး တို့လို အသင်းကြီးတွေ ကိုလည်း အနိုင်ယူနိုင်ခဲ့ပါတယ်။ လက်ရှိမှာ ယူနိုက်တက်က ပရီးမီးယားလိဂ် အဆင့် (၃) နေရာမှာ ရပ်တည်နေပြီး ရာသီကုန်ဖို့ ၅ ပွဲ အလိုမှာ အဆင့် (၆) နေရာက ဘရိုက်တန်ထက် ၈ မှတ် အသာရနေပါတယ်။ ဒါ့ကြောင့် ယူနိုက်တက်က လာမယ့် ရာသီ ချန်ပီယံလိဂ် ဝင်ခွင့် ရဖို့ သေချာသလောက် ရှိနေပြီလည်း ဖြစ်ပါတယ်။
ဒါဟာ ကာရစ်ခ် စတင် တာဝန်ယူချိန်က စပြီး ရမှတ် ရရှိမှုမှာ ဇယားထိပ်က မန်စီးတီး (၂၇ မှတ်) ပြီးရင် ယူနိုက်တက် (၂၆ မှတ်) က ဒုတိယ အများဆုံး ဖြစ်နေပြီး၊ သွင်းဂိုး ၂၂ ဂိုး မှာလည်း အာဆင်နယ် (၂၃ ဂိုး) ပြီးရင် အကောင်းဆုံး မှတ်တမ်း ဖြစ်နေပါတယ်။
ယူနိုက်တက် ဘက်က လာမယ့် ရာသီ အတွက် မန်နေဂျာသစ် ခန့်အပ်ဖို့ ဆုံးဖြတ်ချက် မချရသေးပေမယ့်လည်း ကာရစ်ခ် ကတော့ အမြဲတမ်း နည်းပြ ဖြစ်လာဖို့ ရေပန်းအစားဆုံး ဖြစ်နေပါတယ်။ ဒါပေမယ့်လည်း ကာရစ်ခ် ကတော့ “ကျွန်တော် ဒီမှာ ရှိနေရတာကို ပျော်ပါတယ်၊ လက်ရှိ တာဝန် ကိုလည်း သဘောကျပါတယ်။ ကျွန်တော်တို့ ရလဒ်ကောင်းတွေ ရနေသလို အသင်း ကလည်း အခြေအနေ ကောင်းပါတယ်။ ဒါပေမယ့် ကျွန်တော်တို့ ထပ်ပြီး တိုးတက်အောင် ကြိုးစားချင်ပါသေးတယ်” လို့ ဆိုပါတယ်။
အနာဂတ်နဲ့ ပတ်သက်ပြီး ဘယ်အချိန်မှာ ရှင်းလင်းတဲ့ အဖြေရမလဲလို့ မေးမြန်းရာ မှာတော့ “အမှန်အတိုင်း ပြောရရင် ကျွန်တော် မသိပါဘူး။ ဒါက ကျွန်တော် ဇွတ်အတင်း လိုက်ရှာနေတဲ့ အဖြေမျိုး မဟုတ်ပါဘူး။ ရှင်းလင်းရမယ့် အချိန်ကျရင် အလိုလို ရှင်းလင်းသွားမှာပါ။ အခုလောလောဆယ် ကျွန်တော် ဒီမှာ ရှိနေတာက အသင်းကို ကူညီဖို့နဲ့ ရလဒ်ကောင်းတွေ ရဖို့ပါပဲ။ အခုချိန်မှာ ကျွန်တော်တို့ အဆင်ပြေနေတာမို့ ဒါကိုပဲ အာရုံစိုက်ထားပါတယ်” လို့ ဖြေကြားခဲ့ပါတယ်။
ယူနိုက်တက်ဟာ ဘရန်ဖို့ဒ်နဲ့ နောက်ဆုံး တွေ့ဆုံခဲ့တဲ့ ပရီးမီးယားလိဂ် ၂ ပွဲ စလုံးမှာ ရှုံးနိမ့်ထားပါတယ်။ ဒါပေမယ့်လည်း ယူနိုက်တက်က ပြီးခဲ့သည့် မေလကတည်းက အိမ်ကွင်း အိုးထရက်ဖို့ဒ်မှာ ၂ ပွဲ ဆက်တိုက် ရှုံးနိမ့်ခြင်း မရှိသေးပါဘူး။ နောက်ဆုံး ကစားခဲ့တဲ့ အိမ်ကွင်း ပွဲစဉ် မှာတော့ လိဒ်စ်ယူနိုက်တက်ကို ၂-၁ နဲ့ ရှုံးနိမ့်ထားတာကြောင့် လာမယ့် ဘရန်ဖို့ဒ်နဲ့ ပွဲမှာ အဲဒီ မှတ်တမ်းကောင်းကို ထိန်းသိမ်းနိုင်ဖို့ ကြိုးစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
