ဒီတစ်ခါ မှာတော့ ဇူလိုင်လ ၁၀ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဟယ်ရီကိန်းကို အရ ခေါ်ဖို့ ကြိုးစားမယ့် ဘေယန်မြူးနစ်
ဘေယန်မြူးနစ်ဟာ တော့တင်ဟမ်ဟော့စပါး တိုက်စစ်မှူး ဟယ်ရီကိန်းကို ခေါ်ယူနိုင်ဖို့ အတွက် အစွမ်းကုန် ကြိုးစားသွားမှာ ဖြစ်ပြီး လက်ရှိအချိန်မှာ ဒုတိယအကြိမ်မြောက် ကမ်းလှမ်းမှုကို ပြုလုပ်ခဲ့ပါတယ်။
လက်ရှိမှာ ဘွန်ဒက်စ်လီဂါ ချန်ပီယံက အင်္ဂလန် အသင်းခေါင်းဆောင် အတွက် ပြောင်းရွှေ့ကြေး ပေါင်သန်း (၇၀) ထက် များပြားတဲ့ ပမာဏနဲ့ ကမ်းလှမ်းထားပါတယ်။ ဘေယန်မြူးနစ်ဟာ ပထမအကြိမ် ကမ်းလှမ်းမှု အဖြစ် ပေါင်သန်း (၇၀) နဲ့ ဟယ်ရီကိန်းကို ချဥ်းကပ်ခဲ့တာ ဖြစ်ပြီး စပါး ဘက်ကတော့ မဆိုင်းမတွ ပယ်ချခဲ့ပါတယ်။
အခုချိန်မှာတော့ ဘေယန်မြူးနစ်က အပို ဆုကြေးတွေပါ ပိုမိုပါဝင်တဲ့ ကမ်းလှမ်းမှု တစ်ခုနဲ့ အခြေအနေကို စောင့်ကြည့်နေတာ ဖြစ်ပြီး ဒီကမ်းလှမ်းမှု မအောင်မြင်ခဲ့ရင်လည်း နောက်ထပ် ကမ်းလှမ်းမှုတွေ ထပ်မံ ပြုလုပ်သွားဖို့ ပြင်ဆင်ထားပါတယ်။
လေဗာကူဆင် ကြယ်ပွင့်ကို စိတ်ဝင်စားလာတဲ့ ဗီလာ
အက်စတွန်ဗီလာ ဟာ ဘွန်ဒက်စ်လီဂါ ကလပ် လေဗာကူဆင် ကြယ်ပွင့် မူဆာ ဒီယာဘီကို ခေါ်ယူဖို့ စိတ်ဝင်စားတဲ့ အသင်းတွေထဲ ပါဝင်လာခဲ့ကြောင်း သိရပါတယ်။ အဆိုပါ တောင်ပံ ကစားသမားကို ခေါ်ယူဖို့ အတွက် အာဆင်နယ်က ကာလရှည်ကြာ စိတ်ဝင်စားခဲ့ပြီး လက်ရှိအချိန် မှာတော့ သူ့ကို ခေါ်ယူဖို့ စိတ်ဝင်စားမှု လျော့ကျသွားခဲ့ပါတယ်။
ဒါပေမယ့်လည်း ဥရောပ ထိပ်တန်းအသင်းကြီးတွေက အဲ့ဒီ ဘွန်ဒက်စ်လီဂါ ကြယ်ပွင့်ကို စိတ်ဝင်စားနေဆဲ ဖြစ်ပြီး အူနိုင်း အမ်မရီရဲ့ ဗီလာ အသင်းကလည်း ဒီယာဘီကို ခေါ်ယူဖို့ ပစ်မှတ် စာရင်းထဲ ထည့်သွင်းခဲ့တာပါ။
လေဗာကူဆင် ဘက်ကတော့ ဒီယာဘီ အတွက် ပြောင်းရွှေ့ကြေး ပေါင်သန်း (၅၀) အထိ သတ်မှတ်ထားပြီး ဒီပမာဏက အက်စတွန်ဗီလာ အတွက် ပေးချေရ ခက်ခဲမယ့် ပမာဏ တစ်ရပ်လည်း ဖြစ်ပါတယ်။ အက်စတွန်ဗီလာရဲ့ စံချိန်တင် ကစားသမား ခေါ်ယူမှုက နော့ဝစ်ချ် ကြယ်ပွင့် အီမီ ဘူအန်ဒီယာကို ခေါ်ယူမှု ဖြစ်ပြီး ပြောင်းရွှေ့ကြေး ပေါင် (၃၈) သန်း အသုံးပြုခဲ့ရပါတယ်။
ဘယ်လင်ဟမ် နေရာမှာ အစားထိုးဖို့ ပီအက်စ်ဂျီ ကြယ်ပွင့်ကို စောင့်ကြည့်နေတဲ့ ဒေါ့မန်
ဘွန်ဒက်စ်လီဂါ ကလပ် ဒေါ့မန်ဟာ အသင်း ကနေ ထွက်ခွာသွားတဲ့ ဂျူ့ဒ် ဘယ်လင်ဟမ်ရဲ့ နေရာမှာ အစားထိုးဖို့ ပီအက်စ်ဂျီက ဝါရန်ဇိုင်ရီ အမ်မရီကို စိတ်ဝင်စားနေကြောင်း သိရပါတယ်။
အသက် (၁၇) နှစ် အရွယ်သာ ရှိသေးတဲ့ အဆိုပါ ပြင်သစ် ကြယ်ပွင့်လေးဟာ အနာဂတ်မှာ တောက်ပလာမယ့် ကစားသမား အဖြစ်လည်း သတ်မှတ်ခံထားရပါတယ်။ ပြင်သစ် ယူ-၁၉ အသင်း အတွက်လည်း ခြေစွမ်းပြထားတဲ့ အမ်မရီကို ဥရောပထိပ်တန်း အသင်းကြီးတွေ ဖြစ်တဲ့ အာဆင်နယ်၊ မန်ချက်စတာယူနိုက်တက် တို့ကလည်း မျက်စိကျနေပါတယ်။
သတင်းတွေရဲ့ ဖော်ပြချက် အရတော့ ဒေါ့မန် ဘက်က သူတို့ရဲ့ စိတ်ဝင်စားမှုကို ပီအက်စ်ဂျီနဲ့ ကစားသမားထံ အသိပေးထားပြီး ဖြစ်ပြီး ပီအက်စ်ဂျီ ကတော့ အမ်မရီကို လက်လွှတ်ခံလိုခြင်း မရှိဘဲ စာချုပ် သက်တမ်းတိုးဖို့ ကြိုးစားသွားဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
