အင်တာမီလန် ဂျီနိုအာကို ၂-၀ နဲ့ အနိုင်ရရှိခဲ့တဲ့ ပွဲအပြီးမှာ နည်းပြ ဖာဘရီဂတ်စ်ရဲ့ ကိုမို ကတော့ စီးရီးအေ Top 4 ဝင်ခွင့် မျှော်လင့်ချက်တွေ ပြန်လည် ရှင်သန်လာခဲ့ပါတယ်။ နောက်ပိုင်း ပွဲစဉ်တွေမှာ ရလဒ်တွေ ဆိုးရွားနေခဲ့တဲ့ ကိုမို အသင်းဟာ ဂျီနိုအာကို ၂-၀ နဲ့ အနိုင်ယူပြီး ရိုးမားကို ကျော်ကာ အဆင့် (၅) နေရာကို ပြန်လည် တက်လှမ်းနိုင်ခဲ့ပါတယ်။ ဒီနိုင်ပွဲကြောင့် သူတို့ဟာ အဆင့် (၄) နေရာက ဂျူဗင်တပ်စ် ကိုလည်း အနီးကပ် ဖိအားပေးထားနိုင်ပြီ ဖြစ်ပါတယ်။
ပွဲစဉ်အကျဉ်း
ပထမပိုင်းမှာ ကိုမိုဟာ ပွဲစကတည်းက တိုက်စစ်ဆင်ခဲ့ပြီး ပွဲကစားချိန် ၁၀ မိနစ် မှာတင် လူးကပ်စ် ဒါကူညရဲ့ ဖြတ်တင်ဘောက တစ်ဆင့် တာဆော့ ဒူဗီကပ်စ်က ခေါင်းတိုက် သွင်းယူပြီး ဦးဆောင်ဂိုး ရယူပေးခဲ့ပါတယ်။ ရီးရဲလ်မက်ဒရစ် လူငယ် ကြယ်ပွင့် နီကို ပက်ဇ်ဟာ ဂျီနိုအာ ခံစစ်ကို ကျော်ဖြတ်ပြီး ဂိုးသွင်းခွင့်တွေ ရခဲ့သလို၊ ၃၄ မိနစ်မှာ သူခေါင်းတိုက်လိုက်တဲ့ ဘောလုံးဟာ ဂိုးတိုင်ထိထွက်သွားလို့ ဒုတိယဂိုးနဲ့ လွဲချော်ခဲ့ရပါတယ်။
ဒုတိယပိုင်းမှာ ဂျီနိုအာ ဘက်က မက်ဆီးယပ်စ်က ချေပဂိုး ရဖို့ ကြိုးစားခဲ့ပေမယ့် ကိုမို ဂိုးသမား ဘတ်တက်ဇ်က အကောင်းဆုံး ကာကွယ်နိုင်ခဲ့ပါတယ်။ ပွဲကစားချိန် ၆၈ မိနစ် မှာတော့ အာဆာနီ ဒီယာအိုက ကိုမို အတွက် ဒုတိယမြောက် အနိုင်ဂိုးကို ခေါင်းတိုက် သွင်းယူပေးခဲ့ပါတယ်။
ပွဲပြီးအချက်အလက်နဲ့ မှတ်တမ်းများ
အင်တာမီလန်၊ ဆာဆူအိုလို တို့နဲ့ ပွဲစဉ်တွေမှာ ရှုံးနိမ့်ခဲ့ပြီး ကိုပါအီတလီဖလား ကနေ ထွက်ခွာခဲ့ရတဲ့ ကိုမို အတွက် ဒီနိုင်ပွဲက တကယ့်ကို လိုအပ်နေတဲ့ ရလဒ် တစ်ခု ဖြစ်ပါတယ်။ ကိုမိုဟာ ဂျီနိုအာနဲ့ နောက်ဆုံး တွေ့ဆုံခဲ့တဲ့ စီးရီးအေ ၄ ပွဲ စလုံးမှာ ရှုံးပွဲ မရှိပဲ ၂ ပွဲ နိုင်၊ ၂ ပွဲ သရေကျထားပါတယ်။
ဒီပွဲမှာ နီကို ပက်ဇ် ဂိုးမသွင်းနိုင်ခဲ့ပေမယ့် အသင်းမှာ ကန်ချက် အများဆုံး (၂ ကြိမ်) နဲ့ အမြဲတမ်း ခြိမ်းခြောက်နိုင်ခဲ့သူ ဖြစ်ခဲ့ပါတယ်။ ဒီပွဲမှာ မာတင် ဘာတူရီနာက အသင်းရဲ့ ကစားကွက် ဖန်တီးရှင် အဖြစ် ခြေစွမ်းပြခဲ့ပြီး ဂိုးသွင်းခွင့် ၃ ကြိမ် ဖန်တီးပေးခဲ့သလို၊ ပြိုင်ဘက် ဂိုးဧရိယာခြမ်း အတွင်း ဘောလုံးပေးပို့မှု ၁၃ ကြိမ်နဲ့ အသင်းမှာ အများဆုံး ဖြစ်ခဲ့ပါတယ်။
နည်းပြ ဆက်စ် ဖာဘရီဂတ်စ်ရဲ့ လက်အောက်မှာ ကိုမို အသင်းဟာ ခံစစ်ပိုင်း တည်ငြိမ်မှု (Clean Sheet) ရရှိခဲ့သလို တိုက်စစ်ပိုင်း မှာလည်း ထိရောက်တဲ့ အဆုံးသတ်မှုတွေ ပြုလုပ်နိုင်ခဲ့တာကြောင့် လာမယ့် ရာသီ ချန်ပီယံလိဂ် ဝင်ခွင့် အတွက် အားတက်စရာ ဖြစ်လာပါတယ်။ အထူးသဖြင့် နီကို ပက်ဇ် နဲ့ ဘာတူရီနာ တို့လို လူငယ်ကစားသမားတွေရဲ့ ပေါင်းစပ်မှုက ကိုမိုရဲ့ အဓိက အားသာချက် ဖြစ်နေပါတယ်။
ကိုမိုဟာ စီးရီးအေ လက်ကျန် ပွဲစဉ်တွေ အဖြစ် နာပိုလီ၊ ဟဲလက်စ် ဗီရိုနာ၊ ပါးမား၊ ခရီမိုနိစ် တို့နဲ့ ကစားဖို့ ကျန်ရှိနေပြီး နာပိုလီနဲ့ ပွဲကတော့ သူတို့ အတွက် အခက်ခဲဆုံး ဖြစ်လာမှာပါ။ ကိုမိုဟာ အဆင့် ၄ နေရာက ဂျူဗင်တပ်စ်နဲ့ ၃ မှတ်သာ ကွာဟနေသလို အဆင့် ၆ နေရာက ရိုးမားနဲ့တော့ ရမှတ်တူ အခြေအနေမှာ ရှိနေပါတယ်။ ဒါ့အပြင် ကိုမိုဟာ ဂျူဗီနဲ့ ရိုးမားထက် ဂိုးကွာခြားချက်မှာ အသာရနေတာကြောင့် လက်ကျန် ပွဲတွေမှာသာ တတ်နိုင်သမျှ ရလဒ်ကောင်း ရှာဖွေနိုင်ခဲ့ရင် သူတို့ရဲ့ မျှော်လင့်ချက်တွေကို အကောင်အထည်ဖော်နိုင်မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
