ပရီးမီးယားလိဂ် ကလပ် ချဲလ်ဆီးမှာ အနာဂတ် မသေချာဖြစ်နေတဲ့ ဒုတိယ အသင်းခေါင်းဆောင် အန်ဇို ဖာနန်ဒက်စ်ကို မန်ချက်စတာစီးတီးက ခေါ်ယူဖို့ ချိန်ရွယ်နေကြောင်း သတင်းတွေ ထွက်ပေါ်လာပါတယ်။ အာဂျင်တီးနား ကွင်းလယ်လူဟာ ရီးရဲလ်မက်ဒရစ် အသင်းထံ ပြောင်းရွှေ့ဖို့ အရိပ်အယောင်တွေ ပြသခဲ့ပြီးနောက်မှာ ပပ် ဂွာဒီယိုလာရဲ့ အသင်းက သူ့ကို ခေါ်ယူဖို့ စတင် ချိန်ရွယ်လာတာ ဖြစ်ပါတယ်။
လက်ရှိမှာ မန်စီးတီးဟာ ပရီးမီးယားလိဂ် ချန်ပီယံဆု အတွက် အခြေအနေကောင်းတွေ ပြန်လည် ပိုင်ဆိုင်ထားပါတယ်။ ၂၀၂၆ ခုနှစ်ရဲ့ အစပိုင်းကတည်းက အာဆင်နယ်က အမှတ်ပေးဇယားကို အပြတ်အသတ် ဦးဆောင်ထားခဲ့ပေမယ့် ဂန်းနားတို့ ရမှတ်တွေ လျော့ကျခဲ့တာကြောင့် မန်စီးတီးက အခွင့်အရေးတွေ ရလာခဲ့တာ ဖြစ်ပါတယ်။ ပြီးခဲ့တဲ့ အာဆင်နယ်နဲ့ ပွဲမှာ ၂-၁ နဲ့ အနိုင်ရခဲ့သလို၊ ဗုဒ္ဓဟူးနေ့ညက ဘန်လေကို ၁-၀ နဲ့ အနိုင်ရခဲ့ပြီးနောက် မန်စီးတီးဟာ အမှတ်ပေးဇယားထိပ်ကို ပြန်လည် ရောက်ရှိလာခဲ့ပါတယ်။
တဖက်မှာ ပပ် ဂွါဒီယိုလာရဲ့ အနာဂတ် ကလည်း ဒီရာသီ အပြီးမှာ မရေမရာ ဖြစ်နေပြီး သူ့ရဲ့ နေရာမှာ အစားထိုးဖို့ မန်စီးတီးက အန်ဇို ဖာနန်ဒက်ဇ်ရဲ့ ဆရာဟောင်း အန်ဇို မာရက်စကာကို လျာထားတာ တွေ့ရပါတယ်။ ဒါပေမယ့် မန်စီးတီးဟာ ဂွါဒီယိုလာရဲ့ လက်ထက်မှာ ဒုတိယအကြိမ်မြောက် ပြည်တွင်း ဖလား ၃ လုံး ရရှိဖို့ (Treble) အခွင့်အရေး ရှိနေဆဲပါ။ ၂၀၂၅-၂၀၂၆ ရာသီ ဘယ်လိုပဲ အဆုံးသတ်ပါစေ၊ မန်စီးတီးဟာ အသင်းကို ပိုမိုတောင့်တင်းအောင် ပြုလုပ်မှာ ဖြစ်ပြီး ကစားသမား တချို့ ထွက်ခွာဖို့ ရှိနေတာကြောင့် ကွင်းလယ်ပိုင်းကို အဓိက ဦးစားပေး ပြင်ဆင်သွားဖို့ ရှိနေပါတယ်။
The Athletic ရဲ့ ဖော်ပြချက်အရ ပရီးမီးယားလိဂ် ပြိုင်ဘက် မန်စီးတီးဟာ ချဲလ်ဆီးမှာ စိတ်ပျက်နေတဲ့ အန်ဇိုကို ခေါ်ယူဖို့ အံ့အားသင့်ဖွယ် စီစဉ်နေတာပါ။ ဒီစိတ်ဝင်စားမှုဟာ အစောပိုင်း အဆင့်မှာပဲ ရှိသေးသလို တခြား ကစားသမားတွေ ကိုလည်း ဆွေးနွေးနေကြပါတယ်။ ချဲလ်ဆီး ဘက်ကတော့ သူတို့ရဲ့ ဒုတိယ အသင်းခေါင်းဆောင်ကို မဆုံးရှုံးစေချင်ပေမယ့် အန်ဇို ကိုယ်တိုင်က ထွက်ခွာဖို့ ဆန္ဒပြင်းပြလာရင်တော့ တားဆီးဖို့ ခက်ခဲနိုင်ပါတယ်။
ချဲလ်ဆီးတို့ ချန်ပီယံလိဂ်မှာ ပီအက်စ်ဂျီကို ရှုံးပြီး ထွက်ခွာခဲ့ရပြီးနောက် အန်ဇိုဟာ သူ့ရဲ့ အနာဂတ်နဲ့ ပတ်သက်ပြီး ပြောဆိုခဲ့တာကြောင့် အသင်းတွင်း အပြစ်ပေး အရေးယူမှု ခံခဲ့ရဖူးပါတယ်။ သူက ဒီရာသီ အပြီးမှာ ဘယ်ကို ရောက်မလဲ ဆိုတာ “ မသိဘူး” လို့ ပြောခဲ့သလို၊ မတ်လ နိုင်ငံတကာ ပွဲစဉ်တွေ အတွင်း မှာလည်း စပိန်မြို့တော် မက်ဒရစ်မှာ နေထိုင်ချင်တယ်လို့ ထုတ်ဖော် ပြောဆိုခဲ့ပါတယ်။ သူ့ရဲ့ အေးဂျင့် ဖြစ်သူ ဟာဗီယာ ပါစတိုရေး ကလည်း နွေရာသီမှာ ရွေးချယ်စရာတွေကို စဉ်းစားသွားမယ်လို့ အစောပိုင်းက ပြောခဲ့ဖူးပါတယ်။
အန်ဇို ဖာနန်ဒက်ဇ်ဟာ ချဲလ်ဆီးနဲ့ ၂၀၃၂ အထိ စာချုပ်ရှိနေသလို ၂၀၂၃ ခုနှစ်က ဘင်ဖီကာ ကနေ ပေါင် ၁၀၆.၈ သန်းနဲ့ ခေါ်ယူထားတာကြောင့် သူ့ကို ရောင်းထုတ်ဖို့ ဆိုရင် မန်စီးတီး အနေနဲ့ အလွန် မြင့်မားတဲ့ ပြောင်းရွှေ့ကြေးကို ပေးချေရမှာ ဖြစ်ပါတယ်။
မန်စီးတီးဟာ ရိုဒရီ ဒဏ်ရာရခဲ့တာကြောင့်ရော၊ ဒီဘရွန်းနားနဲ့ ဂွန်ဒိုအန်တို့ ထွက်ခွာသွားတာကြောင့်ပါ ကွင်းလယ်ပိုင်းမှာ အားနည်းချက်တွေ ရှိနေခဲ့ပါတယ်။ အသစ် ခေါ်ယူထားတဲ့ နီကို ဂွန်ဇာလက်ဇ်နဲ့ တီဂျန်နီ ရိုင်ဒါးစ် တို့ဟာ ခြေစွမ်းပြဖို့ ရုန်းကန်နေရပါတယ်။ ဒါပေမယ့် လူငယ် ကစားသမား ရေယန် ချာကီ ကတော့ ဂွါဒီယိုလာရဲ့ လက်အောက်မှာ ခြေစွမ်းပြနေပြီး အသင်းကို ချန်ပီယံဆု ရဖို့ ဦးဆောင်ပေးနေပါတယ်။
ဒါ့အပြင် ၉ နှစ် အကြာ ကစားခဲ့တဲ့ ဘာနာဒို ဆေးလ်ဗား ထွက်ခွာဖို့ ရှိနေတာ ကလည်း မန်စီးတီးတို့ ကွင်းလယ်လူသစ် လိုအပ်ရခြင်းရဲ့ အကြောင်းရင်း တစ်ခုပါ။ ရိုဒရီ ကိုယ်တိုင် ကလည်း ရီးရဲလ်မက်ဒရစ်မှာ ကစားဖို့ စိတ်ဝင်စားနေတာကြောင့် သူ့ရဲ့ အနာဂတ်ဟာ ဂွါဒီယိုလာ အသင်းမှာ ဆက်ရှိ မရှိ အပေါ် မူတည်နေပါတယ်။ ဒါကြောင့် မန်စီးတီးဟာ လာမယ့် နွေရာသီမှာ ကွင်းလယ်ပိုင်း အတွက် ငွေပုံအော သုံးစွဲသွားဖို့ ရှိနေပြီး အန်ဇို အပြင် ယူနိုက်တက်ရဲ့ ပစ်မှတ် အဲလီယော့တ် အန်ဒါဆန် ကိုလည်း စိတ်ဝင်စားနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
