ဘေယာ လေဗာကူဆင် နည်းပြ ကက်စပါ ဟူးလ်မန်း ကတော့ ဂျာမန် ပိုကယ်ဖလား ဗိုလ်လုပွဲ တက်လှမ်းနိုင်ဖို့ အတွက် သူတို့ ရင်ဆိုင်ရမယ့် ဘေယန်မြူးနစ်ကို ချီးကျူးပြောဆိုလိုက်ပါတယ်။ ဟူးလ်မန်းဟာ ဘေယန်မြူးနစ်က လက်ရှိ ကမ္ဘာ့အကောင်းဆုံး အသင်းတွေထဲက တစ်သင်း ဖြစ်တယ်လို့ အသိအမှတ်ပြု ပြောကြားလိုက်တာလည်း ဖြစ်ပါတယ်။
ဘေယန်မြူးနစ်ဟာ ပြီးခဲ့တဲ့ ၃ ရက်ကတင် သူတို့ရဲ့ သမိုင်းတစ်လျှောက် ၃၅ ကြိမ်မြောက် ဘွန်ဒက်စ်လီဂါ ချန်ပီယံဆုကို ဆွတ်ခူးထားနိုင်ခဲ့ပြီး အခုဆိုရင် ဖလား ၃ လုံး (Treble) ရယူနိုင်ဖို့ အရှိန်အဟုန် ပြင်းပြင်းနဲ့ ရှေ့ဆက်နေပါတယ်။ လေဗာကူဆင်ဟာ ဂျာမန် ပိုကယ်ဖလားမှာ ဘေယန်မြူးနစ်နဲ့ ၉ ကြိမ်မြောက် တွေ့ဆုံခြင်း ဖြစ်ပါတယ်။ ဒါဟာ သူတို့ အသင်းရဲ့ သမိုင်းမှာ ပြိုင်ပွဲ တစ်ခုတည်းမှာ ပြိုင်ဘက် အသင်း တစ်သင်းတည်းနဲ့ အကြိမ် အများဆုံး တွေ့ဆုံမှုလည်း ဖြစ်ပါတယ်။ ၂၀၂၄ ခုနှစ်မှာ ဗင်းန်ဆင့် ကွန်ပနီ ဘေယန်မြူးနစ် နည်းပြ ဖြစ်လာပြီး နောက်ပိုင်း ဘေယန်မြူးနစ် မနိုင်သေးတဲ့ အသင်း နှစ်သင်းထဲမှာ လေဗာကူဆင်နဲ့ ယူနီယံဘာလင်တို့ ပါဝင်နေပါတယ်။
လေဗာကူဆင်ဟာ အိမ်ကွင်း BayArena မှာ ဘေယန်မြူးနစ်နဲ့ နောက်ဆုံး ကစားခဲ့တဲ့ ၅ ပွဲမှာ ၁ ပွဲသာ ရှုံးနိမ့်ထားပါတယ်။ ဒါ့အပြင် သူတို့ဟာ ဒီပြိုင်ပွဲမှာ ၄၁ ပွဲ ဆက်တိုက် ဂိုးသွင်းယူထားနိုင်တဲ့ စံချိန်ကောင်းကို ပိုင်ဆိုင်ထားပါတယ်။ ဘေယန်မြူးနစ် ကတော့ ဂျာမန် ပိုကယ်ဖလား ဆီမီးဖိုင်နယ် အဆင့်ကို ၆ နှစ် အတွင်း ပထမဆုံးအကြိမ် ပြန်လည် တက်လှမ်းနိုင်ခဲ့တာပါ။ ဒါဟာ သူတို့ အတွက် ဒီရာစုနှစ် အတွင်း ဆီမီးဖိုင်နယ် တက်ဖို့ အကြာဆုံး စောင့်ဆိုင်းခဲ့ရတဲ့ အချိန်ကာလလည်း ဖြစ်ခဲ့ပါတယ်။
ဟူးလ်မန်း ကတော့ ဘေယန်မြူးနစ်နဲ့ ကစားမယ့် ပိုကယ်ဖလား ဆီမီးဖိုင်နယ် ပွဲစဉ် မတိုင်ခင် အခုလိုပဲ ပြောကြားခဲ့ပါတယ်။ “ပြီးခဲ့တဲ့ မတ်လက လိဂ်ပွဲမှာ သူတို့နဲ့ ၁-၁ သရေကျခဲ့တုန်းက ကျွန်တော်တို့ ကောင်းကောင်း ကစားနိုင်ခဲ့ပါတယ်။ ဒါပေမယ့် အခုပွဲမှာတော့ အခွင့်အရေးရရင် ရသလို အပိုင် အသုံးချနိုင်ဖို့ ပိုပြီး တိကျ ပြတ်သားဖို့ လိုအပ်ပါတယ်။” လို့ ဟူးလ်မန်းက ဆိုပါတယ်။
ဘေယန်မြူးနစ် အနေနဲ့ ဖလား ၃ လုံးရယူဖို့ ဖိအားတွေ ရှိနေသလားဆိုတဲ့ မေးခွန်းကို ဟူးလ်မန်းက အခုလို ဖြေကြားခဲ့ပါတယ်။ “အကောင်းဆုံး ကစားသမားတွေနဲ့ အကောင်းဆုံး အသင်းတွေက ဖိအားကို နှစ်သက်ကြပါတယ်။ ဒါဟာ ကောင်းတဲ့ အရာပါ။ ကျွန်တော်တို့လည်း ဒီလို ဖိအားမျိုးကို ကြိုက်ပါတယ်။ အခုက ရာသီရဲ့ အကောင်းဆုံး အချိန်ပဲ။ ဘောလုံးမှာ အထူးသဖြင့် ဖလား ပြိုင်ပွဲတွေမှာ ထူးခြားတာတွေ ဖြစ်လာတတ်ပါတယ်။” လို့ ဆိုပါတယ်။
ဒါ့အပြင် လေဗာကူဆင် နည်းပြက အိမ်ကွင်း ပရိသတ်တွေရဲ့ အင်အားဟာ ဒီပွဲ အတွက် အဆုံးအဖြတ် ဖြစ်လာမယ်လို့လည်း ယုံကြည်နေပါတယ်။ “ကျွန်တော်တို့ အိမ်ကွင်းမှာ အကောင်းဆုံး စွမ်းအင်တွေနဲ့ ကစားရမှာပါ။ ဘာလင်မှာ ကျင်းပမယ့် ဗိုလ်လုပွဲဆီ ရောက်နိုင်ဖို့ ကစားသမားတွေက ပရိသတ်တွေ အတွက်ရော ကလပ် အတွက်ပါ အစွမ်းကုန် ကြိုးစားသွားကြမှာပါ။” လို့ ဟူးလ်မန်းက ထပ်လောင်း ပြောကြားသွားခဲ့ပါတယ်။
Opta စူပါကွန်ပြူတာရဲ့ ခန့်မှန်းချက် အရ ဘေယန်မြူးနစ်ဟာ ဒီပွဲမှာ အနိုင်ရဖို့ ၅၆.၃ ရာခိုင်နှုန်းနဲ့ ရေပန်းအစားဆုံး ဖြစ်နေပေမယ့် လေဗာကူဆင်ရဲ့ အိမ်ကွင်း မှတ်တမ်းနဲ့ ဖလား ပြိုင်ပွဲ အတွေ့အကြုံတွေကြောင့် ပွဲက တော်တော်လေး အကြိတ်အနယ် ရှိလာဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
